Ifya Kulanda Pali Bamagazini

Ulupungu lwa kwa Kalinda May 15

“Cila bushiku tulomfwa amalyashi ya lukaakala. Bushe muletontonkanya ukuti ifi fyalecitika kale? [Lekeni basuke.] Umfweni ico Baibolo yalanda. [Belengeni Mateo 24:37.] Inshiku sha kwa Noa shalibipile sana ica kuti Lesa aonawile bonse ukushako fye Noa no lupwa lwakwe. Uyu magazini alelanga ifyo ifwe lelo twingasambilila kuli filya fyacitike.”

Loleni! Jan.–Mar.

“Bushe mwalishiba ukuti Lesa alikatamika ubumi bwa mwana uushilafyalwa no bumi bwa kwa nyina? [Lekeni basuke. Lyena belengeni Amalumbo 127:3.] Muli uyu magazini mulesangamo icipande icisuma kabili icikwete ifyebo filelanda pali banacifyashi. Magazini wenu uyu.”

Ulupungu lwa kwa Kalinda June 1

“Amalipoti yalanda pa kukanabomfya bwino indalama shipeelwa ku tubungwe twafwilisha abantu yalenga bamo ukutwishika nampo nga ca mano ukupeela utu tubungwe. Kwena, bantu abengi abalekabila ukwafwiwa. Cinshi muletontonkanya cingacitwa? [Lekeni basuke. Lyena belengeni AbaHebere 13:16.] Uyu magazini alelondolola ukupeela ukuteemuna Lesa.”

Loleni! Jan.–Mar.

“Apo ni Lesa wa kutemwa kabili uwa cikuuku, bushe Baibolo yalilanda pa lubembu ulo Asheleela? [Lekeni basuke.] Nalimo kuti mwatemwa ukuumfwa ifyo Icebo ca kwa Lesa cilanda pali uyu mulandu. [Belengeni Mateo 12:31.] Uyu magazini alelondolola umo Yesu aloseshe ilyo alandile ukuti kuli umusango wa lubembu ‘uushakalekelelwe.’”