Amabungano ya Citungu na ya Pa Kati ka Nko Yatucincisha Ukupeela Lesa Ubukata!
Amabungano ya Citungu na ya Pa Kati ka Nko aya “Peeleni Lesa Ubukata” ayalecitika ukufika na lelo nayapeelo bunte icine cine. Ifi fya kucitika fya bulesa ifyacindama filafwa ukupuulamika ishina lya kwa Yehova no kutucincisha ‘ukutuutubwila Yehova ubukata bwe shina lyakwe.’ (Amalu. 96:8) Cine cine, alilinga ukupeelwa ubukata pa mulandu wa milimo yakwe iya kupapusha mu bubumbo, iilanga imibele yakwe iya kusungusha.—Yobo 37:14; Ukus. 4:11.
Ukubomfya amepusho yali pano ne fyebo mwalembele, pekanyeni ukupituluka muli programu we bungano no kwasukapo mu kulongana kukabako mu mulungu wa October 20.
1. Bushe ifintu fishipeema fibilisha shani ubukata bwa kwa Lesa, kabili bushe inshila fibilishishamo yapusana shani ku nshila abantunse balumbanishishamo Lesa? (Amalu. 19:1-3; “Ububumbo Bubilisha Ubukata bwa kwa Lesa”)
2. Fintu nshi ifilecitika lelo ifyaimininweko no kwaluka kwa kwa Yesu, kabili ni mu nshila nshi Abena Kristu pali lelo bacincimushiwa ne fi ifilecitika? (Ilyashi Likalamba ilyaletila, “Ifimonwa fya mu Kusesema Ifya Lulumbi Filatucincimusha!”)
3. Bushe kuti twalundulula shani ukuicefya nga kulya kwalangilwe na kasesema Daniele, kabili cinshi tukanonkelamo mu kucite ci? (Dan. 9:2, 5; 10:11, 12; “Ubukata bwa kwa Yehova Busokolwelwa ku Bafuuka”)
4. (a) Fintu nshi fitatu pa bupingushi bwa kwa Lesa ifyo twingasambilila ku kusesema kwa kwa Amose? (Amose 1:3, 11, 13; 9:2-4, 8, 14) (b) Cinshi Inte sha kwa Yehova lelo bengasambililako ku ca kumwenako ca kusoka icisangwa pali Amose 2:12? (“Ukusesema kwa kwa Amose—Ifyebo Fyabamo Ifyakuma Inshiku Shesu”)
5. (a) Busanso nshi bufuma mu kunwensha ubwalwa, nelyo ca kutila uunwene takolelwe? (b) Bushe ubwafya bwa kunwensha kuti bwapwa shani? (Marko 9:43; Efes. 5:18; “Talukeni ku Citeyo ca Kukolwa Ubwalwa”)
6. Bushe mulenonkelamo shani mu lupapulo lupya ulwa “Moneni Icalo Cisuma”? (“‘Icalo Cisuma’—Icilangililo ca fyo Paradaise Akaba”)
7. Ni mu nshila nshi shitatu ‘twingabeeka ubukata bwa kwa Yehova nge filola’? (2 Kor. 3:18; “Ukubeeka Ubukata bwa kwa Yehova Nge Filola”)
8. Ni kwi kufuma ulupato lwa lufyengo, kabili cinshi cingatwafwilisha ukutwalilila aba mpomfu na lintu tulekumana no ko kupatwa? (Amalu. 109:1-3; “Ukupatwa Apabulo Mulandu”)
9. Bushe mimwene nshi iyapala iya kwa Kristu pa bucindami, kabili ni shani umuntu engeshiba ukuti alekabila ukulundulula iyi mimwene mu kufikapo? (Mat. 20:20-26; “Ukupashanya Kristu mu fyo Tumona Ubucindami”)
10. Cinshi cingatwafwa ukutwalilila abakosa lwa ku mupashi na lintu tuli abanaka lwa ku mubili? (“Abanaka Lelo Abashipomponteka”)
11. Ni nshila nshi Satana abomfya ku kulundulwilamo ubufi, kabili kuti twacita shani ukulingana na Malembo ku kwesha kwa konaula icitetekelo cesu? (Yoh. 10:5; “Cenjeleni kwi ‘Shiwi lya Bambi Bambi’”)
12. (a) Bushe abafyashi kuti bakonka shani ica kumwenako ca kwa Yesu nga fintu calembwa pali Marko 10:14, 16? (b) Cinshi mutemenwemo mu citabo ca Sambilila Kuli Kasambilisha Mukalamba? (“Abana Besu—Icikwatwa Caumo Mutengo”)
13. Bushe imisepela balelumbanya shani Yehova? (1 Tim. 4:12; “Ifyo Imisepela Balelumbanya Yehova”)
14. Finshi muleibukisha sana mu cilangililo caletila “Ukushimikila mu Kushipa Te Mulandu no Kukaanya”?
15. Bushe kuti twapashanya shani ica kumwenako caimike (a) Petro na Yohane? (Imil. 4:10) (b) Stefani? (Imil. 7:2, 52, 53) (c) icilonganino ca kubalilapo ica Bwina Kristu? (Imil. 9:31; “Bileni Imbila Nsuma ‘Ukwabulo Kuleka’”)
16. (a) Ni nshila nshi twasuminishenye isha kupeelelamo Lesa ubukata? (b) Bushe nga twabomfya ifyo twasambilile pa Mabungano yaleti “Peeleni Lesa Ubukata” cinshi cikafumamo? (Yoh. 15:9, 10, 16; “‘Muletwalisha’ ku Kupeela Yehova Ubukata”)
Nga tule-etetula pa kufunda kusuma ukwali pe bungano, tukacincishiwa ukubomfya ifintu twasambilile. (Fil. 4:8, 9) Ici cikakosha ukufwaisha kwesu ukwa ‘kucita fyonse ku kucindika Lesa.’—1 Kor. 10:31.