Vidio Iilanda pa Cacindama Ico Badokota Abengi Balesumina Ukucita.

(1) Cinshi badokota bamo bamo batendekela ukutontonkanyapo na kabili nga ukubika umuntu umulopa kwalilinga? (2) Landeni pa kulepula kutatu ukwayafya ukwingacitwa ukwabula ukuti umuntu bamubikemo umulopa? (3) Ni badokota banga pano calo abasumina ukutila kuti baundapa abalwele ukwabula ukubabikamo umulopa? Cinshi basuminina ukucite co? (4) Bushe finshi aba ku fipatala basanga pa kubomfya umulopa? (5) Mafya nshi ayo ukubika umulopa mu muntu kuleta? (6) Pa mulandu wa busuma bwaba mu kundapwa ukwabula ukubikwamo umulopa, finshi badokota abengi basosa? (7) Cinshi cilenga umulopa ukucepa mu mubili? Kuti wacepa ukufika pi ilyo umuntu ashilafwa? Cinshi cingacitwa pa kuti bafushe umulopa mu mubili? (8) Finshi bapeela pa kulenga insandesande shakashika ukufula mu mubili wa mulwele? (9) Finshi babomfya pa kuti umulopa wifuma sana ilyo balelepula umuntu? (10) Bushe abaice, na bakalamba abalwele sana fye, kuti baundapwa ukwabula ukubabikamo umulopa? (11) Cinshi icacindama sana mu kundapa umulwele ico badokota baebwa ukukonka? (12) Cinshi cacindamina ku bena Kristu ukusalila limo ukundapwa ukushisanshamo ukubikwamo umulopa uko bengatemwa? Bacita shani pa kulanga ifyo twasalapo?