Ifya Kulanda Pali Bamagazini

Ulupungu lwa kwa Kalinda June 15

“Bushe mwalimona ukuti shino nshiku abantu bekala fye ukulingana no mo abene balefwaila? [Lekeni basuke.] Mukwai moneni ifishinte fyaba mu Baibolo ifishaluka ifitulanga ifyo tulingile ukwikala. [Belengeni ilembo limo pali yalya ayali mu mukululo uli pe bula 6 na 7.] Iyi magazini nailondolola ifyo tumwenamo nga twakonka ifishinte fisuma ifyaba mu Baibolo.”

Loleni Apr.–June

“Abantu bamo tabalecindika imipepele. Bushe muletontonkanya ukuti ubusuma ubwaba mu mipepele buleya bulepwa? [Lekeni balandepo.] Aya mashiwi ya mutumwa Paulo yalalanda umulandu bamo balekela ukucetekela imipepele. [Belengeni Imilimo 20:29, 30.] Iyi magazini ilelanda ico Baibolo ilanda pa nshita ya ku ntanshi iya Bwina Kristu.”

Ulupungu lwa kwa Kalinda July 1

“Bushe mwalitontonkanyapo icalenga abantu ukulacusha abafuma ku fyalo fimbi nelyo abalanda ululimi lumbi nangu abantu ba mushobo umbi? [Lekeni basuke.] Umfweni icalenga. [Belengeni 1 Yohane 4:20.] Iyi magazini nayasuka icipusho ca kuti, Bushe kukaba inshita iyo abantu ba mishobo yalekanalekana bakekatana?”

Loleni Apr.–June

“Apo Lesa e wa tubumba, bushe kwaliba ico twingamupeela? [Lekeni basuke. Lyena belengeni Marko 12:30.] Iyi magazini ilelanga ifintu fimo ifyo bamo bapeela kuli Lesa ne fyo babombela Lesa umutima wabo onse, umweo wabo onse, ukutontonkanya kwabo konse na maka yabo yonse. Inshita shimo pa kutila fye bapeele Lesa fyonse ifi, balaipusulako fimo.”