Ifya Kulanda Pali Bamagazini

Ulupungu lwa kwa Kalinda Oct. 15

“Abantu abengi tabaishiba ifyo ku ntanshi kukaba. Kanshi batila ino nshita e yo tulingile ukulacita fye ifyo tulefwaya. Nga imwe muletipo shani? [Lekeni balandepo.] Yesu alandile aya mashiwi ayasuma ayaba pali ili lembo. [Belengeni Mateo 6:34.] Iyi magazini ilelondolola ifyo twingapekanya ifya ku ntanshi. Lelo ilelanda ne fyo twingacita pa kuti twilasakamana sana pa fya ku ntanshi.”

Loleni Oct.–Dec.

“Bushe mulemona ukuti abafyashi ni kwisa bengapandwa amano ayengabafwa ukukusha bwino abana? [Lekeni basuke.] Moneni ifyo Baibolo yalaya. [Belengeni 2 Timote 3:16.] Iyi magazini ilelanda pa kufunda ukusuma ukwaba mu Baibolo ukwingafwa abafyashi ukukusha bwino abana.”

Ulupungu lwa kwa Kalinda Nov. 1

“Bushe batini kuti caba shani nga ca kuti abantu abengi mu calo baba abaicefya? [Lekeni basuke.] Moneni ifyo Yesu alandilepo pa kuicefya. [Belengeni Mateo 23:12.] Ili lyashi ilili muli uyu magazini lilelanda umulandu ukuicefya kwacindamina, nangu ca kuti abantu abengi bafwaya ukucimfyanya.”

Loleni Oct.–Dec.

Nga mwakumanya umwaice, nalimo kuti mwasosa amuti: “Abaice banobe abengi balyumfwapo ifyo cikalipa nga bababepesha ubufi. Bushe na iwe walyumfwapo ifyo? [Lekeni asuke.] Baibolo ilatufunda bwino ifyo twingacita nga ca kuti batwamba. Na kabili ilalanda ifyo na ifwe twingalula ilyashi nga ca kuti twatendeka ukwamba umunensu.” Mulangeni ilyashi litendekele pe bula 12, kabili belengeni ilembo limo ilili mu lyashi.