Umukululo Wa Mepusho

◼ Bushe tulingile ukulemba adresi yesu pa mpapulo tushiila abantu?

Bakasabankanya bamo, baloma inshimbi nangu ukukakatika akapepala ka adresi yabo pali magazini nangu pa matrakiti ayo bashila abantu. Ico bacitile fi kufwaya ukuti umuntu uwapoka impapulo kuli bena nga alefwaya ifyebo na fimbi kuti alanda nabo. Kwena ukufwaya ukwafwa nge fi tacabipa iyo. Nomba kwena, adresi yesu iyo tubomfya lyonse yalilembwa pali magazini na pa matrakiti pene. E ico kanshi kuti cawama nga tamubikilepo adresi yenu.

Kasabankanya umwine akamona inshila engabomfya pa kushiila abantu baba mu cifulo ca kubombelamo adresi yakwe, maka maka ilyo alebwelela mu kumona abantu ashimikile, nampo nga kuti abomfya ipepala limbi, umwine akamona ifyo engacita. Ni fwe tulingile ukuitendekelako ukubwelela ku bantu batusekelele ukucila ukubapeela incito ya kulanda na ifwe nga balefwaya ifyebo na fimbi. Kuti twaishiba bwino ukuti umuntu nga natemwa imbila nsuma nga twalanda nankwe pa kanwa nkati.