Ifya Kulanda Pali Bamagazini

Ulupungu lwa kwa Kalinda Mar. 1

“Cila bushiku tulomfwa amalyashi ayalanda pa macushi, pa kulwala, na pa mfwa. Bushe mulatontonkanyapo nga ca kuti tukatala atupokololwa kuli ifi fyonse? [Lekeni basuke.] Ili lembo lya mu Baibolo lyalilenga abantu abengi ukucetekela ukuti ku ntanshi ifintu fikaba bwino. [Belengeni Yohane 3:16.] Iyi magazine ikwete umutwe wa kuti ‘Ifyo Imfwa ya kwa Yesu Ingamupususha.’”

Loleni Jan.–Mar.

[Nga ca kuti mulelanshanya no mwaice] “Abantu bamo bamoneka kwati bayikalila fye na ku matwi tondolo ukwabula nangu umo uwa kubapeela amafunde. Bushe walitontonkanyapo auti, ‘Bushe busuma nshi bwaba mu kukonka amafunde ya mu Baibolo?’ [Lekeni asuke.] Iyi magazini ilelondolola ifintu ifyacitikilapo abantu, nailondolola ifilubo ifyo abantu bamo bacitile ne filubo ifyo abacaice bengasambililako ukuti tabafwile ukulacita ifintu fya musango uyo.” Belengeni Amalumbo 73:16, 19

Ulupungu lwa kwa Kalinda Apr. 1

“Bushe kuti mwatemwa ukumona uko ubu busesemo bwafikilishiwa? [Belengeni Esaya 2:4. Lyena balekeni basuke.] Nge fyo twamona pali ili lembo, Lesa takaleke fye abantu balecula, akacitapo cimo no ‘kukalulula nangu ukulungika imilandu.’ Baibolo itila Lesa akalwa inkondo iitwa ukuti Armagedone iikapwisha inkondo shonse. Iyi magazini nailondolola ifyo Armagedone yaba no mulandu tulingile ukuilolela.”

Loleni Jan.–Mar.

“Abantu bamo bamona kwati umuntu nga afwa alaya mu kuba umumi kumbi; e lyo bambi na bo baishiba ukuti umuntu nga afwa ninshi capwa nafwa. Nga imwe, bushe mwaishiba ukuti imfwa ya kutiina nangu iyo? [Lekeni basuke.] Umfweni ifyo Yobo alandile ukuti e fyali no kumucitikila nga afwa. [Belengeni Yobo 14:14, 15.] Iyi magazini nailondolola bwino bwino ifyalembwa mu Baibolo pa cicitika nga twafwa.”