Ifya Kulanda Pali Bamagazini

Ulupungu lwa kwa Kalinda July 1

“Bushe muletontonkanya ukuti abantu kuti baba ifibusa fya kwa Lesa Wa maka yonse? [Lekeni basuke. Lyena belengeni Imilimo 17:27.] Ici cipande cilelondolola umulandu twingacetekelela ukuti Lesa afwaya ukuti tube ifibusa fyakwe.” Balangeni icipande cili pe bula 10.

Loleni July–Sept.

“Ukukusha umwana kwalyafya nga nshi, sana sana nga afika pa mushinku wa bulumendo nelyo ubukashana kabili atendeka ukwaluka. Bushe muletontonkanya ukuti ni kwi abafyashi bengasanga amano yene yene aya kufundilamo umwana? [Lekeni basuke. Lyena belengeni Esaya 48:17, 18.] Iyi magazini ilelondolola ifingafwa abafyashi ukuba na mano no mucetekanya ilyo balefunda umwana.”

Ulupungu lwa kwa Kalinda Aug. 1

“Ukonaula isonde ukulecitika kulelenga abantu abengi ukukanaishiba icikacitika kwi sonde ku ntanshi. Nga imwe mutontonkanyapo shani? [Lekeni basuke. Lyena belengeni Amalumbo 37:11.] Iyi magazini ilelondolola fimo ififumine mu Baibolo ifingatulenga ukuba ne subilo.”

Loleni July–Sept.

“Abantu abengi muno nshiku baliba no mwenso wa fikacitika ku ntanshi. Bushe mutontonkanya ukuti ifintu fikawama ku ntanshi nelyo fikalabipilako fye? [Lekeni basuke. Lyena belengeni Ukusokolola 21:3, 4.] Iyi magazini ilelondolola umulandu tufwile ukucetekela ukuti nomba line Lesa ali no kupwisha amafya yonse ayo abantunse bafilwa ukupwisha.” Balangeni ifipande fili pa mabula 12 ukufika ku 17.