Ifya Kulanda Pali Bamagazini

Ulupungu lwa kwa Kalinda Nov. 1

“Bushe mutontonkanya ukuti abalume na bakashi nga bakonka ifi twalabelenga mu Baibolo icupo cabo kuti cakosa? [Belengeni Yobo 31:1. Lyena lekeni basuke.] Cino cipande cilelanda pa mafunde ayaba mu Baibolo ayengafwa abaupana ukutwalilila ukubikako sana amano ku cupo cabo.” Landeni pa cipande icitendekele pe bula 18.

Loleni Oct.–Dec.

“Pa myaka iingi iyapita abantu balilanda sana pa muntu uwafwa nga kuti aba uwa mweo na kabili. Nga imwe mutontonkanyapo shani? [Lekeni basuke.] Moneni ifyo Yobo alandile. [Belengeni Yobo 14:14, 15.] Ifi fipande filelanda pa fyo Baibolo itila e fyo cikaba ku bantu abafwa.” Balangeni ifipande ifitendekele pe bula 19.

Ulupungu lwa kwa Kalinda Dec. 1

“Pali ino nshita ya mwaka, abantu abengi baletontonkanya pali Yesu. Bushe kuti mwatila Yesu amulenga ukuba abantu ba musango shani? [Lekeni basuke.] Baibolo itukoselesha ukukonka ifyo Yesu alecita. [Belengeni 1 Petro 2:21.] Nga twacite fi tukaba abantu abasuma kabili tukaba ne nsansa. Ino magazini ilelondolola umulandu twingabela abasuma no mulandu twingabela ne nsansa.”

Loleni Oct.–Dec.

“Bushe mutontonkanya ukuti Lesa alefwaya abantu ukulacula ku kubulisha ifya kulya nge fyo cili mu calo lelo? [Lekeni basuke.] Moneni ifyo Lesa akapwisha ubu bwafya. [Belengeni Amalumbo 72:16.] Cino cipande cilelondolola ifyo Lesa akapanga icalo cipya cipya ukuba Paradaise.” Balangeni icipande icili pe bula 23.