Ifya Kulanda Pali Magazini

Ulupungu lwa kwa Kalinda November 1

“Muno nshiku indupwa shilemoneka nashikwata amafya ayengi nga nshi. Bushe batini aba mu lupwa nga balepashanya imibele ya kwa Yesu, indupwa kuti shaba shani? [Belengeni Mateo 20:28. Lyena lekeni basuke.] Cino cipande cilelanda pa masambililo yasano ayo indupwa shingasambilila ku fyo Yesu ali.” Balangeni icipande icitendekele pa bula 16.

Loleni! October–December

“Kwaba fye ifintu ifinono ificitika ifilenga twaba no bulanda sana ukucila ifyo tumfwa abafyashi nga bafwa. Bushe mulesumina? [Lekeni basuke.] Abantu abengi balasansamuka nga babelenga ifikomo fya mu Baibolo pamo nge ci. [Belengeni Ukusokolola 21:4.] Cino cipande cilelondolola ifya kushipikisha ilyo umuntu aba no bulanda sana maka maka umusepela.” Balangeni icipande icitendekele pe bula 18.

Ulupungu lwa kwa Kalinda December 1

“Bushe mwalitala amutontonkanyapo ukuti bushiku bumo Lesa akafumyapo ukucula konse pe sonde? [Lekeni basuke.] Moneni ifyo Lesa alaya mu Baibolo ifitulenga ukusubila ukuti ukucula kukapwa. [Belengeni ilembo limo pa malembo ayali mu kabokoshi pe bula 7.] Ino magazini iletweba ifyo Baibolo ilanda pa fyo Lesa akacita pa kupwisha ukucula e lyo ne nshita akapwisha uku kucula.”

Loleni! October–December

Belengeni 1 Yohane 4:8. Lyena landeni ukuti: “Bamo baishiba ukuti Lesa aloca ababifi mu mulilo wa helo. Bambi nabo batila, ukucita ifyo kwalipusaninina fye na mashiwi twabelenga pe lembo. Nga imwe kuti mwatila shani? [Lekeni basuke.] Cino cipande cilelanda ifyo Baibolo isambilisha pali ili lyashi.” Balangeni icipande icitendekele pe bula 26.