Bushe Kuti Mwatendeka Isambililo lya Baibolo mu October?
1. Ni mpapulo nshi tukalashiila abantu mu October?
1 Mu October tukalashiila abantu Ulupungu lwa kwa Kalinda na Loleni! Nga twasanga abalefwaya ukusambilila Baibolo, tulekoseleshiwa ukubashiila trakiti iitila Bushe Kuti Mwatemwa Ukwishiba Icine? no kwesha ukutendeka isambililo lya Baibolo. Kuti twatendeka shani Isambililo lya Baibolo ilyo twabwelelako?
2. Bushe kuti twabomfya shani trakiti iitila Bushe Kuti Mwatemwa Ukwishiba Icine? nga tulefwaya ukutendeka isambililo lya Baibolo ilyo twabwelela ku muntu uwapokele magazini?
2 Ifya Kubomfya Trakiti: Kuti pambi twatila: “Magazini namushilile ilakoselesha abantu ba mitundu yonse e lyo na bapepa ukwapusanapusana ukwishiba ifyaba mu Baibolo. [Peleni uo mulelanda nankwe trakiti ya Bushe Kuti Mwatemwa Ukwishiba Icine? kabili mulangeni amepusho ayaba pe bula lya kubalilapo.] Moneni ifipusho fimo ifisuma nga nshi ifyo Baibolo ya-asuka bwino sana. Bushe mwalitala amwipushapo ifipusho fimo pali ifi?” Nga mwaumfwa ifyo uo muleshimikilako aasuka, belengeni nankwe icasuko icili muli trakiti kabili belengeni ilembo limo ilishambwilwe. Lyena mwebeni ukuti ifi twalandapo, ca kumwenako fye ca fintu fimo ifyo Baibolo isambilisha, kabili mupeeleni icitabo ca Bushe Cinshi Baibolo Isambilisha? Lyena kuti twalanshanya amaparagrafu ya kutendekelako ayaba mu cipandwa ico umwine asalile pa mutande wa filimo. Nelyo kuti twamutwala ku cipandwa cikwete ifyebo na fimbi ifipalene ne fyo tulanshenye muli trakiti. Ifi fyebo fyakonkapo kuti twafibomfya pa kulanshanya nankwe.
● Bushe Lesa alatusakamana? (amabu. 9-11, amapara. 6-10)
● Bushe inkondo no kucula fikatala afipwa? (ibu. 12, amapara. 12-13)
● Cinshi cicitika nga twafwa? (amabu. 59-60, amapara. 7-8)
● Bushe lisubilo nshi twakwata pa bafwa? (ibu. 71, amapara. 13-15)
● Bushe kuti napepa shani pa kuti Lesa ang’umfwe? (amabu. 166-167 amapara. 5-8)
● Bushe kuti nasanga shani insansa mu bumi? (ibu. 9, amapara. 4-5)
3. Finshi twingacita nga ca kuti umuntu alemoneka kwati talefwaisha ukusambilila Baibolo ilyo twabweleleko?
3 Lelo kwena, nga ca kuti twafilwa ukulangilila no kutendeka isambililo lya Baibolo mu citabo ca Bushe Cinshi Baibolo Isambilisha? pa muku wa kubalilapo twabweleleko, kuti twapekanya ukuti tukabweleleko inshita imbi no kutwalilila ukulanshanya. Tukamona ifyo umutima wa muntu uli, nalimo kuti twatwalilila ukulanshanya nankwe ifipusho na fimbi ifili muli trakiti ilyo tushilamutwala mu citabo ca Bushe Cinshi Baibolo Isambilisha? Kanshi, mu mweshi wa October lekeni tubomfye iyi trakiti iishaiwamina ku kutendeka amasambililo ya Baibolo no kwaafwa abantu abakwata imitima iisuma ‘ukwishiba icine.’—Yoh. 8:31, 32.