Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu February

“Bushe batini pali nomba, Lesa alikwata icilonganino cakwe, nelyo bushe abomfya fye umuntu umo umo? [Lekeni basuke.] Moneni ifyo ulu Ulupungu lulanda pa bantu abo Lesa aletungulula kale.” Kupukuleni pe bula 16 mu Ulupungu lwa kwa Kalinda ulwa February 1 lyena lanshanyeni ifyebo ifyaba pa kamutwe ka kubalilapo kabili belengeniko nangu fye ilembo limo ilyambwilwe. Bashileni magazini, kabili bebeni ukuti ilyo mukabwela mukalanshanya icipusho icikonkelepo.

Ulupungu lwa kwa Kalinda February 1

“Ino myaka abantu balalanda sana pali Armagedone. Bushe batini pali ifyo abantu bengacita pa kuti baleshe Armagedone ukwisa? [Lekeni basuke.] Moneni apafuma ishiwi “Armagedone.” [Belengeni Ukusokolola 16:16. Lyena balangeni ifipusho fili pa nkupo ya magazini.] Muli iyi magazini e muli ifyasuko fya mu Baibolo kuli ifi fipusho.”

Loleni! January–March

Landeni pa lyashi ilya bulanda ilicitike ku ncende mwikala. Lyena landeni ukuti: “Mulandu nshi Lesa asuminshisha ifya musango yu ukucitika? [Lekeni basuke.] Ukulingana na Baibolo, Lesa alomfwila uluse abalecula. [Belengeni Ukufuma 3:7.] Baibolo na kabili ilatweba umulandu Lesa asuminishisha ukucula kabili no kuti nomba line fye ali no kufumyapo uku kucula ku ciyayaya. E filelanda iyi magazini.”