Utundalama Tubili Utwacepesha

Inshila imo iyo twafwilishishamo ifya Bufumu kusangwilako ku mulimo wa kushimikila uwa mwi sonde lyonse. Inga ca kuti tuli bapiina?

Inshita imo Yesu amwene mukamfwilwa umupiina alepoosa mu cipao ce tempele utundalama tubili utwacepesha. Ukutemwa Yehova e kwalengele ukuti ulya mupiina apeele ‘shonse isho akwete isha kuliilamo.’ (Marko 12:41-44) Pa kuti Yesu alandepo, cipilibula ukuti ubupe mukamfwilwa apeele bwalicindeme kuli Lesa. E fyo cali na ku Bena Kristu ba kubalilapo, tabalemona ukuti abalingile ukusangwilako ku mulimo wa kushimikila Bena Kristu ba fyuma fye, lelo ni bonse. Umutumwa Paulo alandile pa ca kumwenako ca bena Makedonia ‘abali bapiina nga nshi lelo abalelomba no kupapaata ukuti bapeele ubupe.’—2 Kor. 8:1-4.

Kanshi, nga twasangwilako ‘utundalama tubili, utwacepesha,’ tuleibukisha ukuti nga twatubika pamo kuti twafula. Nga tulepeela no mutima onse tukalenga Shifwe wa ku muulu, kapekape mukalamba ukutemwa, pantu “Lesa atemwa uupeela ne nsansa.”—2 Kor. 9:7.