Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu June

“Abantu abengi balafwaya ukuti mu calo mube umutende. Lelo inkondo tashipwa. Imwe mumona ati ninshi mu calo mushabela umutende?” [Lekeni basuke.] Lyena balangeni ifyebo fili ku nkupo ya ku numa iya Ulupungu lwa kwa Kalinda ulwa June 1, kabili lanshanyeni ifyebo fili pa cipusho ca kubalilapo no kubelengako ilembo limo. Bapeeni magazini, kabili panganeni ilyo mukabwelelako pa kuti mukayelanshanya icipusho cinkonkelepo.

Icishibisho: Mulingile ukucita icilangililo ukubomfya ifi fyebo pa kukumana kwa kuya mu mulimo wa mwi bala ukwa pa 1 June.

Ulupungu lwa kwa Kalinda June 1

“Tuletandalila abena mupalamano pa nshita fye iinono pa kuti tulashanyeko pa bwafya ubuseekele nga nshi. Abantu abengi balibafyengapo pa mulandu no lupato. Bushe batini kwalibako uko mwingaya ukushaba abantu ba lupato? [Lekeni basuke.] Nomba lekeni tumone ifyo Lesa amona abantu bonse. [Belengeni Imilimo 10:34.] Iyi magazini ilelanda ifyo Lesa akapwisha ulupato.”

Loleni! May–June

“Bushe mulesumina ukuti ino nshita calyafya ukukusha abana? [Lekeni basuke.] Abafyashi abengi balisanga ukuti ifyo Baibolo ilanda filabafwa sana. Ku ca kumwenako, ili ilembo lyalyafwa abafyashi abaume abengi ukulatasha abana babo no kubalenga ukulaimona ukuti balicindama. [Belengeni Abena Kolose 3:21.] Iyi magazini nailanda pa fintu 5 ifingafwa abafyashi abaume ukukusha bwino abana babo.”