Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu November

“Moneni icipusho ubusuma ico ndefwaya ukuti mubelenge. [Balangeni icipusho icili ku nkupo ya ku numa ya Ulupungu lwa kwa Kalinda ulwa November 1.] Kuti mwayasuka shani ici cipusho? [Belengeni amaparagrafu yabili ayali pe samba lya cipusho kabili belengeniko ne lembo limo.] Bushe kuti mwatemwa nkabwele pa kuti tukeselanshanya ico Yesu abuushishe abafwa, ne fyo twingasambililako?”

Ulupungu lwa kwa Kalinda November 1

“Bushe mwalitala amutontonkanyapo umulandu ifyabipa ficitikila pano calo? [Lekeni basuke.] Pe lembo lya Ukusokolola 12:9, Baibolo ilalondolola umulandu ifyabipa ficitikila. [Belengeni.] Lelo icikomo 12, e cilanda pa fikacitika ku ntanshi. [Belengeni Ukusokolola 12:12.] Lesa ali no kafumyapo ifyabipa fyonse ifyo Satana aleta muno calo. Ici icipande icileti ‘Bushe Tulingile Ukutiina Satana?’ cilelanda pa fyo twingaicingilila kuli Satana, e lyo ne fikamucitikila ku ntanshi. Mukwai na imwe namupeelako iyi magazini.”

Loleni! September–October

“Inshita iili yonse, umuntu kuti aba no bwafya. Nalimo kuti aponenwa no busanso ubwalengwa ne fya bumbwa, ubulwele ubukalamba, nelyo imfwa ya mutemwikwa. Bushe batini, calicindama ukukanasakamikwa sana ifintu fya musango yu nga fyatucitikila? [Lekeni basuke.] Abantu abengi basanga ukuti Baibolo ilabafwa sana nga baponenwa no bwafya. [Belengeni Abena Roma 15:4.] Iyi magazini ilelondolola ifyo Baibolo ingatwafwa ilyo twaponenwa no bucushi.”