Mulecincishanya Sana Ukubomba Imilimo Isuma

Ilembo lya AbaHebere 10:24 litukoselesha ukuti ‘tuletontonkanya pa banensu ku kucincishanya ku kutemwa kabili ku kubomba imilimo iisuma.’ Kuti twakoselesha bamunyinefwe nga tulecita no kulanda ifilelanga ukuti twalikwata icitetekelo. Kanshi muleshimikilako ababwananyina ifisuma ifyamucitikilapo ifingabakoselesha. Mulebebako ne nsansa mwasanga mu kubombela Yehova. Lelo ilyo mulecita ifi, mwilailinganya kuli bena nelyo ukubalinganya kuli bambi. (Gal. 6:4) Mu nshita ya kwebaula bamunyinenwe pa kubafwa ukulabomba imilimo iisuma, mulebomfya ifya bupe mwakwata ku kubacincisha ‘mu kutemwa kabili ku kubomba imilimo iisuma.’ (Moneni icitabo ca Nonkelenimo, ibu. 158, para. 4.) Nga twacincisha bambi mu kutemwa, lyena bakalabomba ne milimo iisuma pamo nga ukwafwa ababulishe fimo e lyo no kushimikila.—2 Kor. 1:24.