Mulepashanya Bakasesema—Habakuki

1. Cinshi ico tufwile ukulatontonkanishisha pali kasesema Habakuki?

¹ Ilyo tulemona ifyabipa filecitika sana mu calo, nalimo kuti twalumfwa nga filya Habakuki aleumfwa, uwaipwishe Yehova ati: “Cinshi ico munengela ukumona icabipa, na imwe mulolesha fye pa bucushi?” (Haba. 1:3; 2 Tim. 3:1, 13) Ukulatontonkanya pa fyo Habakuki alandile na pa citetekelo cakwe kuti kwatwafwa ukulashipikisha ilyo tulelolela ubushiku bwa bupingushi ubwa kwa Yehova.—2 Pet. 3:7.

2. Kuti twalanga shani ukuti tuli ba citetekelo muno nshiku?

² Ali ne Citetekelo: Mu nshita ya kufuupulwa pa fyabipa ifyalecitika, Habakuki alitwalilile ukuba uwalola kali aali uwacincila. (Haba. 2:1) Yehova alikoseleshe kasesema ukuti akafikilisha ifyo alandile pa nshita yalinga, amwebele no kuti “uwalungama, akaba no mweo pa mulandu wa citetekelo cakwe.” (Haba. 2:2-4) Bushe aya mashiwi yalola mwi ku Bena Kristu abaleikala mu nshita ya mpela? Icacilapo ukucindama pa kwishiba ilyo impela ikesa kuba abashinikisha ukuti ukwisa kwena ikesa. Icitetekelo cilatwafwa ukuba abalola no kubika sana amano ku mulimo wa kubila imbila nsuma.—Heb. 10:38, 39.

3. Mulandu nshi tufwile ukulabela ne nsansa ilyo tulebombela Yehova?

³ Ukulasekelela muli Yehova: Ilyo Gog wa mu calo ca Magoge akasansa abantu ba kwa Yehova, icitetekelo cesu cikeshiwa. (Esek. 38:2, 10-12) Ificitika filaleta amafya, na bacimfya bene na bo balakwata amafya. Ifya kulya limbi kuti fyacepa, ifyo twakwata kuti fyaonaika, ne imikalile ya bantu kuti yabwelela pa nshi. Bushe tukacita shani nga kwaba amafya ya musango uyu? Habakuki aleenekela amafya, lelo asalilepo ukuba ne nsansa no kulasekelela muli Yehova. (Haba. 3:16-19) ‘Ukusekelela muli Yehova’ kukatwafwa ukushipikisha amafya ayengesa ku ntanshi.—Nehe. 8:10; Heb. 12:2.

4. Ni nsansa nshi twingakwata pali ino nshita na ku nshita ya ku ntanshi?

⁴ Abo Yehova akapususha pa bushiku bwakwe ubwa bupungushi bakatwalilila ukulasambilila pa fyo Lesa afwaya. (Haba. 2:14) Abakabushiwa nabo bene bakasambilila pali Yehova. Kanshi na pali ino ine nshita, natutwalilile ukulalanda pali Yehova na pa fipesha amano fyakwe!—Amalu. 34:1; 71:17.