ICUMA ICABA MU CEBO CA KWA LESA | YEREMIA 51-52
Fyonse Ifyo Yehova Alanda Filafikilishiwa
Yehova alilandile ifya cine pa fyali no kucitika ku ntanshi
Umwina Persia umulinshi uwalesukusa imifwi
“Nooneni imifwi”
Abena Madai na bena Persia balishibe sana ukusukusa imifwi kabili balebomfya ubuta nge canso cabo icikalamba. Balenoona imifwi yabo pa kuti ileingila sana mu mubili
“Impalume sha mu Babiloni nashileka ukulwa”
Pe libwe lya Nabonidus Chronicle, balilembapo amashiwi ya kuti: “Abashilika ba kwa Sailasi baingile mu Babiloni ukwabula ubulwi.” Ici cilolele mu kuti takwali inkondo kabili ifi fine efyo na Yeremia asobele
Ilibwe lya Nabonidus Chronicle
“Babiloni akaba imiina ya mabwe [kabili] icibolya umuyayaya”
Ukutendekela mu 539 B.C.E., umusumba wa Babiloni walilekele ukuba sana no lulumbi. Alekisanda Mukalamba alefwaya ukuti Babiloni ibe umusumba ukalamba, lelo alifwile ukwabula ukwenekela. Mu nshita ya batumwa, abaYuda emo baali mu Babiloni, ne ci calengele umutumwa Petro ayetandala ku Babiloni. Nomba muli ba 300 C.E., umusumba washele icibolya kabili mu kuya kwa nshita walilobele