Ifingatwafwa Ukulabila Bwino Imbila Nsuma Ukusambilisha Abasambi Ifya Kupekanya

ICO CACINDAMINA: Nga balepekanya, abasambi ba Baibolo bakalaumfwikisha ifyo tulebasambilisha kabili bakalafibukisha. Nga baleumfwikisha no kwibukisha ifyo tulebasambilisha, bakalalunduluka bwangu. Nangu fye ni pa numa ya kubatishiwa, bakalakabila ukupekanishisha ukulongana e lyo no mulimo wa kubila imbila nsuma pa kuti batwalilila ukuba ‘abalola.’ (Mat. 25:13) Kanshi ukwishiba ifya kuisambilisha bwino e lyo no kulaisambilisha lyonse kukabafwa mu bumi bwabo. Ilyo twatendeka fye ukusambilila no musambi, tufwile ukumwafwa ukwishiba ifya kupekanya isambililo lya Baibolo.

IFYO MWINGACITA:

• 

  Beni ica kumwenako cisuma. (Rom. 2:21) Ilyo mulepekanya isambililo, muletontonkanya pa musambi. (km 11/15 ibu. 3) Mulangeni icitabo cenu ico mwashila

• 

  Mulemukoselesha ukulapekanya. Ilyo mwatendeka ukusambilila nankwe, mwafweni ukwishiba ukuti nga alepekanya ninshi aleisambilisha, kabili mulondolweleni ne fyo e nganonkelamo. Mwebeni na fimo ifyo engacita pa kuti alekwata inshita ya kupekanya. Bakasambilisha bamo balaleka umusambi abomfya icitabo cabo ico bashila ilyo balemusambilisha pa kuti bamwafwa ukwishiba ico cacindamina ukupekanya. Mulemutasha nga napekanya

• Mulangeni ifya kupekanya. Bakasambilisha bamo ilyo batendeka fye ukusambilila no musambi, balabomfya inshita ya kusambilila ku kumulanga ifya kupekanya isambililo