ICUMA ICABA MU CEBO CA KWA LESA | LUKA 10-11
Icilangililo ca Mwina Samaria Musuma
Yesu alandile ici cilangililo ilyo aleyasuka icipusho bamwipwishe ica kuti: “Nga kanshi umunandi nani?” (Luka 10:25-29) Alishibe ukuti mu cilonganino ca Bena Kristu mwali no kuba “abantu ba misango yonse” ukubikako fye na bena Samaria na bena Fyalo. (Yoh. 12:32) Yesu abomfeshe ici cilangililo pa kusambilisha abasambi bakwe ukuti balingile ukuibikilishako ukucitila abantu bambi ifilanga ukuti balibatemwa, nangu fye bantu abo bapusana sana nabo mu fintu fimo.
YIPUSHENI AMUTI:
‘Bushe nalitemwa bamunyinane na bankashi abakonka intambi shimbi?’
‘Bushe nsangwa fye na bantu abatemwa ifyo natemwa?’
‘Bushe kuti naishibilako Abena Kristu abo nshaishiba sana ababa ne nkulilo iyapusana ne yandi?’ (2 Kor. 6:13)
Nani ningeba ukuti . . .
tukabombe nankwe mu mulimo wa kubila imbila nsuma?
akese ku ng’anda tukaliile pamo ica kulya?
akesesangwako ku Mapepo ya Lupwa?