Mulebomfya Amavidio pa Kusambilisha Abasambi

Ifya kutamba filalenga uuletamba ukubikako sana amano kabili filamwafwa ukumfwikisha e lyo no kwibukisha ifyo alesambilila. Kasambilisha wesu Uwapulamo, Yehova, alebomfya ifya kutamba pa kusambilisha amasambililo yacindama sana. (Ukute. 15:5; Yer. 18:1-6) Yesu, Kasambilisha Mukalamba na o alefibomfya. (Mat. 18:2-6; 22:19-21) Ifya kutamba ifibomba bwino mu myaka ya nomba, mavidio. Bushe mulabomfya amavidio ilyo mulesambilisha abasambi ba Baibolo?

Kwaliba amavidio 10 ayo bapekanya pa kutwafwa ukusambilisha amasambililo yaba muli broshuwa ya Imbila Nsuma Ukufuma Kuli Lesa! Umutwe wa mavidio yamo ulapalana no mutwe we sambililo muli broshuwa uuba mu filembo fya fiita. Muli broshuwa ya Imbila Nsuma Ukufuma Kuli Lesa! iyaba pa webusaiti balibikamo na linki ilanga vidio mufwile ukutambisha muli ilyo isambililo. Na kabili amavidio yambi kuti mwayabomfya ilyo mulebomfya impapulo shimbi ishaba pa Mpapulo Tubomfya Sana pa Kusambilisha Abantu.

Bushe mulesambilila isambililo ilyo nalimo umusambi afililwe ukumfwikisha? Nelyo bushe umusambi wenu nakwata ubwafya? Kuti mwaya pa jw.org/bem® nelyo pa JW Broadcasting® pa kuti mufwaye amavidio ayo mwingabomfya. Nalimo kuti mwatambila pamo imo pali ayo mavidio, lyena pa numa kuti mwalanshanya ifyo mwatamba.

Cila mweshi kulaba vidio iipya iifuma. Ilyo muletamba muletontonkanya pa fyo mwingayabomfya ilyo mulesambilisha abantu.