Bushe Yehova Alaumfwa Shani?

Ilyo tushilasalapo ifya kucita, nampo nga fikalamba nelyo nga finono, bushe tulayipusha atuti, ‘Bushe Yehova alaumfwa shani nga nacita ifi?’ Nangula teti twishibe fyonse ifyo Yehova atontonkanya, alitweba ifingi mu Cebo cakwe ifingatwafwa “ukubomba umulimo onse uusuma.” (2 Tim. 3:16, 17; Rom. 11:33, 34) Yesu lyonse aleiluka icaba ukufwaya kwa kwa Yehova kabili e fyo abikile intanshi mu bumi bwakwe. (Yoh. 4:34) Na ifwe bene natuleesha na maka yesu yonse ukulasala ifingalenga Yehova asekelela nga filya Yesu alecita.—Yoh. 8:28, 29; Efes. 5:15-17.

TAMBENI VIDIO IITILA MULEILUKA UKUFWAYA KWA KWA YEHOVA (LEBI 19:18), LYENA ASUKENI AMEPUSHO YAKONKAPO:

• Mulandu nshi tulingile ukulakonkela amashinte ya mafunde mu mikalile yesu?

• Mashinte nshi aya mafunde twingabomfya ilyo tulesala inyimbo?

• Mashinte nshi aya mafunde twingabomfya ilyo tulesala ifya kufwala na lintu tuleiyemfya?

• Ni muli finshi na fimbi umo twingabomfya amashinte ya mafunde mu mikalile yesu?

• Finshi twingacita pa kuti twishibe bwino bwino ifyo Yehova afwaya tulecita?