Iminineni Ndi Ilyo Impela Ilepalama

ICO CACINDAMINA: Nomba line, kwalaba ifyalatendeka ukucitika ifikalenga tukalange ukuti twalishipa kabili twalicetekela Yehova. Ubucushi bukalamba buli no kutendeka ilyo imipepele ya bufi ikonaulwa. (Mat. 24:21; Ukus. 17:16, 17) Ilyo ifi fyonse fikalacitika, nalimo tukatendeka ukubila imbila ya bupingushi. (Ukus. 16:21) Na kabili Goge wa ku calo ca Magoge ali no kutusansa. (Esek. 38:10-12, 14-16) Pa kucingilila abantu bakwe, Yehova ali no kuleta “inkondo ya bushiku bukalamba ubwa kwa Lesa Wa Maka Yonse.” (Ukus. 16:14, 16) Kanshi pa kuti tukabe abashipa ilyo ifi fikalacitika, tulingile ukuba abashipa pali ino nshita ilyo tulekwata amafya ayengesha icitetekelo cesu.

IFYO MWINGACITA:

• Muleba abashipa ilyo mulekonka amafunde ya kwa Yehova ayalanda pa kuba ne mibele iisuma.—Esa. 5:20

• Mulelongana pamo na Bena Kristu banenu.—Heb. 10:24, 25

• Mulekonka ifyo icilonganino ca kwa Yehova cilemweba.—Heb. 13:17

• Muletontonkanya sana pa fyo Yehova alepususha abantu bakwe ku kale.—2 Pet. 2:9

• Mulepepa kuli Yehova kabili mulemucetekela.—Amalu. 112:7, 8

TAMBENI VIDIO ITILA IFIKACITIKA KU NTANSHI IFYO TUKASHIPIKISHA FYE NGA TULI ABASHIPA—IYO BAIPIFYA, LYENA ASUKENI AMEPUSHO YAKONKAPO:

• 

  Bushe icumfwila ca bakasabankanya caeshiwe shani ilyo babebele ukukuukila ku filonganino fimbi?

• 

  Bushe ukushipa no kuba ne cumfwila fya-ampana shani?

• 

  Mulandu nshi tukakabila ukubela abashipa ilyo Armagedone ikesa?

• 

  Malyashi nshi aya mu Baibolo ayengatwafwa ukutetekela sana ukuti Yehova akatupususha?—2 Imila. 20:1-24