IFYO TWINGACITA PA KUTI TULEBILA BWINO IMBILA NSUMA | MULECITA IFINGALENGA MULESEKELELA ILYO MULEBILA IMBILA NSUMA
Ifya Kubomfya Ifilangililo pa Kulondolola Ifishinka Fikalamba
Nga twabwelela ku cipempu nelyo tuletungulula isambililo lya Baibolo tulingile ukulenga abo tulelandako basambilila icishinka cikalamba. Nga tulebomfya ifilangililo ilyo tulesambilisha tukalabafika pa mutima kabili tabakalalaba ifishinka fikalamba.
Ilyo mulepekanya ifyo mukayalanda ku cipempu nelyo kwi sambililo lya Baibolo muleishiba ifishinka fikalamba ifyo mulefwaya ukuyalandapo, kabili mulepekanya ne filangililo mukabomfya pali ifyo fishinka fikalamba. Na kabili mulesala ifilangililo ifya-anguka kabili ifyo abantu bengeshiba bwangu. (Mat. 5:14-16; Marko 2:21; Luka 14:7-11) Muletontonkanya na pa nkulilo ya uyo muntu e lyo ne fyo atemwa ukucita. (Luka 5:2-11; Yoh. 4:7-15) Mukalaba ne nsansa nga mwamona umuntu atemwa ifyo mwamusambilisha pa mulandu wa kuti nafyumfwikisha.
TAMBENI VIDIO ITILA KUTI MWABA NE NSANSA NGA MULEISHIBILAKO IFYA KUPANGA ABASAMBI—IFYA KUBOMFYA IFILANGILILO PA KULONDOLOLA IFISHINKA FIKALAMBA, LYENA ASUKENI AMEPUSHO YAKONKAPO:
Cinshi tulingile ukulondolwela abasambi umwalola ifikomo fimo ifya mu Baibolo?
Cilangililo nshi ba Neeta bacibomfya pa kulondolola ifyaba pa Abena Roma 5:12?
Ifilangililo ifisuma filafika pa mutima
Busuma nshi bwaba mu kubomfesha ifilangililo ifisuma?
Cinshi tulingile ukulabomfesha amavidio ne mpapulo shimbi isho icilonganino ca kwa Yehova capekanya?