Ulemona Abanakashi Abakalamba nga Banoko, na Bakashana nga Bankashi Yobe

Amalembo yatweba ukuti tufwile ukulamona Abena Kristu abakalamba nga banyinefwe na bashifwe, e lyo abalumendo na bakashana nga bandume yesu na bankashi yesu. (Belengeni 1 Timote 5:1, 2.) Bamunyinefwe maka maka balingile ukulacindika sana bankashi.

Munyinefwe tafwile ukulasengasenga nkashi nelyo ukulacita ifingalenga nkashi alamusengauka. (Yobo 31:1) Munyinfwe umushimbe talingile ukula-angasha bankashi, e kuti ukulacita ifingalenga nkashi alamona kwati namutemwa e lyo ninshi takwete na mapange ayali yonse ayakumuupa.

Baeluda bafwile ukubika sana amano kuli bankashi nga baipusha fimo nelyo nga balefwaya ukuti babafwe. Baeluda bafwile ukubika sana amano maka maka kuli bankashi abashakwata abalume abakubacingilila.—Ruti 2:8, 9.

TAMBENI VIDIO ITILA TWALILILENI UKULANGA UKUTEMWA MU CILONGANINO—KULI BAMUKAMFWILWA NA BASHAKWATA BASHIBO, LYENA ASUKENI AMEPUSHO YAKONKAPO:

• 

  Bushe aba mu cilonganino balangile shani ukutemwa kwa cine kuli nkashi Myint?

• 

  Bushe ifyo aba mu cilonganino balangile ukutemwa kuli nkashi Myint fyalengele shani abekala mushi balumbanya ishina lya kwa Yehova?

• 

  Bushe ifyo aba mu cilonganino balangile ukutemwa fya-afwile shani nkashi Myint na bana bakwe abanakashi?

Ni nshila nshi shimo isho mwingalangilamo ukuti mwalitemwa bankashi mwaba nabo mu cilonganino kabili mwalibabikako amano?