ICUMA ICABA MU CEBO CA KWA LESA

Mulecita Ifyo Yehova Alemweba no Mutima Wenu Onse

Kalebu alikonkele Yehova no mutima wakwe onse ukutula fye ku bwaice (Yosh. 14:7, 8)

Ilyo Kalebu akulile alicetekele Yehova ukuti ali no kumwafwa ukubomba umulimo wakosa uo bamupeele (Yosh. 14:10-12; w04 12/1 ibu. 12 para. 2)

Yehova alipaalile Kalebu pali filya alemubombela no mutima wakwe onse (Yosh. 14:13, 14; w06 10/1 amabu. 18-19 para. 11)

Icikope: Nkashi wa cishinka aleshipikisha amafya ayesako pa mulandu wa bukoloci. 1. Ali ne nkoto mu minwe ilyo ekele alepepa. 2. Alebila imbila nsuma ku cintubwingi pamo na nkashi wacaice. 3. Alelanga ifikope abana abo aba nabo mu cilonganino. 4. Namwentula.

Ilyo Kalebu alekonka ifyo Yehova alemweba, Yehova alemupaala kabili icitetekelo cakwe calekoselako. Na ifwe tufwile ukutwalilila ukubombela Yehova ilyo aleasuka amapepo yesu kabili ilyo tulemona ifyo aletutungulula.—1 Yoh. 5:14, 15.