Umulimo Uwali Uwa-afya Uo Umupashi wa Mushilo Watwafwile Ukubomba

Pa myaka iingi abantu ba kwa Lesa balibomba ifintu ifisuma ifingi. Icilenga balekumanisha ukubomba te pa mulandu wa kuti balicenjela, lelo ni co Yehova alabafwa. Mu 1954 Icilonganino ca kwa Lesa calipangile filimu itila The New World Society in Action. Abapangile iyi filimu ba bwananyina abalebombela pa Bethel abashaishibe ne fya kupanga amafilimu. Umupashi wa mushilo e wabafwile ukubomba uyu umulimo uwali uwakosa. Ici cilalenga twashininkisha ukuti nga twashintilila pali Yehova, kuti twabomba umulimo onse uo bengatupeela.—Seka. 4:6.

TAMBENI VIDIO ITILA IFYO BAPANGILE VIDIO YA KUTI “THE NEW WORLD SOCIETY IN ACTION,” LYENA ASUKENI AYA MEPUSHO:

• Cinshi calengele bapingulepo ukupanga filimu iyalelanda pa maofeshi yakalamba?

• Bushe filimu yalangile shani ukuti aba pa Bethel balabombela pamo nga filya fine ifilundwa fya mubili wa muntu fibombela pamo?—1 Kor. 12:14-20

• Mafya nshi bamunyinefwe bakwete ilyo balepanga filimu, kabili bayapwishishe shani?

• Bushe ifi ifyacitike filetusambilisha finshi pa fyo umupashi wa mushilo ubomba?