Ukuba Aba Kaele ne fyo Tutontonkanya

Tatulanga fye ukuti tuli ba kaele mu fyo tulanda na mu fyo tucita, lelo na mu fyo tutontonkanya. (Amalu. 19:14) E co Baibo itwebela ukuti, muletontonkanya pali fyonse ifya cine, pali fyonse ifya mucinshi, pali fyonse ifyalungama, pali fyonse ifyasanguluka, pali fyonse ifyatemwikwa, pali fyonse ifyawama, pali conse icisuma icabako na pali conse ica kutasha icabako. (Fil. 4:8) Lelo kwena inshita shimo kuti catukosela ukukanalatontonkanya pa fyabipa. Na lyo line ukuilama kuti kwatwafwa ukuleka ukutontonkanya ifyabipa no kutendeka ukutontonkanya pa fisuma. Nga tuli aba kaele mu fyo tutontonkanya cikanguka ukuba aba kaele na mu fyo tucita.—Marko 7:​21-23.

Pa malembo ayali pe samba lembeni pe lembo limo na limo ifyo tushifwile ukulatontonkanyapo:

Rom. 12:3

Luka 12:15

Mat. 5:28

Fil. 3:13