Ifingamwafwa Ukusambilila

Bushe mwalitemwa ukubelenga amalyashi ayalanda pa ba bwananyina mu fipande fitila “UBUMI BWABO”?

Abaupana bamo ababelenga icipande cimo cila lucelo batile: “Ifi fipande filatukoselesha sana kabili tulaba ne nsansa sana nga twafibelenga. Filalenga twamona ukutila kuti twatwalilila aba cishinka te mulandu na mafya twingakwata.” Nkashi umbi na o atile: “Amalyashi ayalanda pa ba bwananyina yalankoselesha sana. Bamunyinefwe na bankashi balaba ne nsansa ilyo balebombela Lesa. Amalyashi yabo yalalenga ndefwaya ukubombesha mu mulimo wa kubila imbila nsuma. Na kabili ndakoselesha na bana bandi ukubombako umulimo wa nshita yonse.”

Amalyashi ayaba mu fipande fitila “Ubumi Bwabo” kuti yalenga mwapanga ifya kucita mu mulimo wa kwa Lesa, mwaleka ukucita ifyabipa ifyo mucita, e lyo no kuba ne nsansa ilyo muleshipikisha amafya. Bushe aya malyashi kuti mwayasanga kwi?

• Kabiyeni pa cipande citila “Amalyashi pa Bumi bwa Nte sha kwa Yehova Ishalekanalekana” pa jw.org nelyo pa JW Library®.

• Pa Watchtower LAIBRARE YA PA INTANETI nelyo pa Watchtower Library, apa kufwaila ifyebo lembenipo amashiwi ya kuti “Amalyashi pa Bumi bwa Nte sha kwa Yehova Ishalekanalekana.”