Ifingamwafwa Ukusambilila

Muleisambilisha pa Mibele ya kwa Yehova

Ilyo tulebelenga Baibo, kwaliba ifingi ifyo twingabomfya pa kufwailapo ifyebo na fimbi, pa kuti tumfwikishe ifyo tulebelenga. Lelo tatulingile ukupelela fye pa kufwaya ifishinka. Tufwile ukulafwaisha ukwishiba imibele ya kwa Yehova iingalenga twapalama sana kuli ena. Pa kuti tucite ifi, tulingile ukutontonkanya pa cipusho ca kuti, ‘Bushe ifyo ndebelenga filensambilisha finshi pali Yehova?’

Ku ca kumwenako, kuti twafwaya ifilanga ukuti Yehova aliba no kutemwa, wa mano, wa mulinganya, kabili wa maka. Na lyo line, kwaliba imibele na imbi iya kwa Yehova iyo twingasambililapo. Ni kwisa twingasanga ifyebo pali iyi mibele yakwe?

Moneni umutande apaba imibele na imbi 50 iyaba mu Icisontelelo ca Mpapulo sha Watch Tower pa mutwe uutila “Yehova” lyena pa kamutwe akanono akaleti “Umutande wa Mibele Yakwe.” Fwayeni ifyebo pa mibele iili mu fyo mulebelengapo mu Baibo. (Nga ca kuti mulebomfya icitabo citila Icitabo ca Kwafwa Inte sha kwa Yehova Ukusanga Ifyebo, kabiyeni pa mutwe utila “Yehova Lesa” lyena muye pa kamutwe akanono akaleti “Imibele ya kwa Yehova.”)