Abantu ba Cishinka Kuli Yehova Balafikilisha ico Balaya

Belengeni Abapingushi 11:​30-40 pa kuti musambilileko ku lyashi lya kwa Yefta no mwana wakwe umwanakashi pa co cacindamina ukufikilisha ico mwalaya.

Ishibilenipo na fimbi pa lyashi muleisambilishapo. Bushe abena Israele abali ne cishinka balemona shani imilapo iyo balelapa kuli Yehova? (Impe. 30:2) Bushe Yefta no mwana wakwe balangile shani ukuti balicetekele Yehova?—Abapi. 11:​9-11, 19-24, 36.

Fwailenipo ifyebo na fimbi. Mulapo nshi Yefta alapile, kabili aloseshe mwi ilyo alapile ulya mulapo? (w16.04 ibu. 7 para. 12) Bushe Yefta no mwana wakwe baipeeleshe shani pa kuti bafikilishe ifyo Yefta alaile? (w16.04 amabu. 7-8 amapara. 14-16) Milapo nshi iyacindama iyo Abena Kristu balapa muno nshiku?—w17.04 amabu. 5-8 amapara. 10-19.

Tontonkanyeni pa fyo mwingalacita ifyo mwasambililako. Yipusheni amuti:

• ‘Kuti nacita shani pa kuti ningafikilisha ifyo nalaile Yehova ukuti nkalamubombela umuyayaya?’ (w20.03 ibu. 13 para. 20)

• ‘Finshi ningaipusulako pa kuti ningalabombela sana Yehova?’

• ‘Kuti nacita shani pa kuti mfikilishe umulapo nalaile uwa kuti nkatwalilila uwa cishinka ku mwina mwandi?’ (Mat. 19:​5, 6; Efes. 5:​28-33)