Ifyo Mwingacita pa Kuti Mucetekele Sana Ukuti Yehova Kuti Amupususha

Belengeni Impendwa 13:25–14:4 pa kuti mumone ifyo abena Israele bashacetekele Yehova.

Ishibilenipo na fimbi pa lyashi muleisambilishapo. Ilyo abena Israele balefuma mu Egupti, finshi fyali no kulenga bacetekela ukuti Yehova ali no kubapususha? (Amalu. 78:​12-16, 43-53) Cinshi calengele baleke ukucetekela Yehova? (Amala. 1:​26-28) Bushe Yoshua na Kalebu balangile shani ukuti balicetekele Yehova?—Impe. 14:​6-9.

Fwailenipo ifyebo na fimbi. Finshi abena Israele balingile ukucita pa kuti bacetekele sana Yehova? (Amalu. 9:10; 22:4; 78:11) Bushe ukucetekela Yehova kwa-ampana shani no kumucindika?—Impe. 14:11.

Tontonkanyeni pa fyo mwasambililako. Yipusheni amuti:

• ‘Finshi fingalenga nafilwa ukucetekela sana Yehova?’

• ‘Finshi ningacita pa kuti ncetekele sana Yehova pali ino nshita na pa kuti nkamucetekele sana ku ntanshi?’

• ‘Cinshi ningacetekela ukuti e co Yehova akacita ilyo ubucushi bukalamba bukatendeka?’—Luka 21:​25-28.