Bumpulamafunde Nabufulilako Mwi Sonde—Finshi Baibo Yalandapo?

Mu Haiti muli sana ubunkalwe pa mulandu wa fipondo. Mu South Africa, mu Mexico e lyo na mu fyalo fimo ifyaba mu Latin America, muli sana ubunkalwe ubulengele abantu balecula. Nangu fye ni mu fyalo umwakuti ubunkalwe bwalicepako ukucila ifyo cali ku numa, abantu bacilli balasakamikwa pa mulandu ne fintu ifyabipa ificitika pamo nga ubupuupu e lyo no konaula ifintu.

Finshi Baibo yalandapo pali bumpulamafunde ubulecitika mwi sonde lyonse?

Ifyo Baibo Yasobeele pali bumpulamafunde

Baibo yasobeele ukuti bumpulamafunde bukaba pa fishibilo fya “kuti icalo cili ku mpela?” (Mateo 24:3) Pa kulondolola ifishibilo ifikalacitika, Yesu Kristu atile:

• “Pa mulandu wa kufulisha kwa bubi [bumpulamafunde], ukutemwa kwa bengi kukacepa.”—Mateo 24:12.

Na kabili Baibo yasobeele no kuti “mu nshiku sha kulekelesha” abantu bakaba “abashailama, abankalwe, abashatemwa ubusuma.” (2 Timote 3:1-5) Iyi mibele yabipa e ilenga kwaba bumpulamafunde ubo tumona muno nshiku.

Kwaliba ifyalenga ukuti tube ne subilo. Baibo yalilaya ukuti nomba line fye bumpulamafunde buli no kupwa.

• “Pashala fye panono no mubifi takabepo; awe ukalolekesha apo aali, no kusanga talipo. Lelo abafuuka e bakekala mu calo, kabili bakasekelela nga nshi pantu umutende ukafula.”—Amalumbo 37:10, 11.

Sambilileni na fimbi pa fyo Baibo ilanda pe subilo e lyo na pa cingalenga mwashininkisha ukuti ifilecitika pali ino nshita filefikilisha amasesemo. Belengeni ifipande fyakonkapo.

“Isubilo lya Kuti Ifintu Fikawama ku Ntanshi lya Cine”

“Finshi Twingeshibilako Inshiku sha Kulekelesha, Nelyo ‘Inshita ya Mpela’?”

“Did the Bible Predict the Way People Think and Act Today?”