Mulandu Nshi Inte sha kwa Yehova Bela mu Kushimikila pa Mayanda ya Bantu?

Yesu aebele abasambi bakwe ‘ukulenga aba nko shonse ukuba abasambi.’ (Mateo 28:19, 20) Ilyo Yesu atumine abasambi bakwe aba kubalilapo, abebele ukuya mu kushimikila abantu pa mayanda yabo. (Mateo 10:7, 11-13) Ilyo Yesu afwile, Abena Kristu ba kubalilapo balitwalilile ukushimikila imbila nsuma “pa bantu na ku ng’anda ne ng’anda.” (Imilimo 5:42; 20:20) Tukonka ifyo Abena Kristu ba kubalilapo balecita kabili twasanga ukuti ukuya ku ng’anda ne ng’anda e nshila isuma iya kushimikililamo imbila nsuma ku bantu abengi.