Icasuko ca mu Baibolo

Ee, e ko fyaba. Ifibanda ni “bamalaika ababembwike,” abapondokele Lesa. (2 Petro 2:4) Malaika uwabalilepo ukuba icibanda ni Satana Kaseebanya, uo Baibolo ita ati “kateka wa fibanda.”—Mateo 12:24, 26.

Bamalaika abapondweke mu nshiku sha kwa Noa

Baibolo ilanda ukuti bamalaika abengi balipondweke mu nshiku sha kwa Noa ilyo Ilyeshi lishilaisa. Itila: “Abana ba kwa Lesa wa cine bamwene abana banakashi ba bantu, ukuti baali abayemba; kabili baibuulile abanakashi no kuupa onse uo batemwa.” (Ukutendeka 6:2) Balya bamalaika babipa “bashile ififulo fyabo ifyabalinga” mu muulu no kufwala imibili ya buntunse pa kuti balebembuka na banakashi.—Yuda 6.

Ilyo Ilyeshi lyaishile, bamalaika abapondweke bashile imibili yabo iya buntunse no kubwelela ku muulu. Lelo, Lesa alibatamfishe ku muulu. Inshila imo iyo Lesa akandilamo ifibanda, kufipoka amaka ya kufwala imibili ya buntunse na kabili.—Efese 6:11, 12.