Bushe Ukwangala Ifyangalo fya Kushitikapo Lubembu?

Icasuko ca mu Baibolo

Nangu ca kuti Baibolo tayalandapo sana pa fyangalo fya kushitikapo, lelo ukulingana fye ne fyaba mu malembo kuti twatila Lesa amona ukuti ukwangala ifyangalo fya kushitikapo lubembu.​—Abena Efese 5:​17.a

• Icilenga abantu ukwangala ifyangalo fya kushitikapo bufunushi, ubo Lesa apata. (1 Korinti 6:​9, 10; Abena Efese 5:​3, 5) Abangala ifi fyangalo bafwaya fye ukunonkela mu ndalama isho abanabo bashitikepo, nomba Baibolo yalilesha ukukumbwa ifya bene.​—Ukufuma 20:17; Abena Roma 7:7; 13:​9, 10.

• Ukwangala ifyangalo fya kushitikapo, kuti kwalenga umuntu atendeka ukutemwisha ifyuma.​—1 Timote 6:​9, 10.

• Abangala ifyangalo fya kushitikapo bashintilila fye pe shuko. Nomba Lesa amona ukuti ukucita ifi kupepa utulubi, ukwapusana sana no kupepa kwakwe.​—Esaya 65:11.

• Ukucila ukulafwaya fye ukukwata ifintu apa fye, Baibolo itukoselesha ukubombesha. (Lukala Milandu 2:24; Abena Efese 4:28) Abakonka ifyo Baibolo ilanda kuti “balya ifya kulya ifyo baibombela abene.”​—2 Abena Tesalonika 3:​10, 12.

• Ukwangala ifyangalo fya kushitikapo kuti kwalenga abantu batendeka ukucimfyanya, uko Baibolo yalesha.​—Galatians 5:​26.