Futunoti

a Imitembo tayali na kufumishiwamo mu mipeto na lintu Icipao cili pa cifulo ca ciko mwi hema. Kanshi, imitembo tayalebomfiwa ku milimo imbi. Na kabili, takwali uwali no kwikatako ku Cipao; nga ca kuti imitembo yalifumishiwemo mu mipeto, bonse abalesenda Icipao cashila balekabila ukubikamo na kabili imitembo. Amashiwi yalandwa pa Impendwa 4:6 ulwa “kubikamo imitembo” kuti yalosha ku kutantika nelyo ukubika bwino imitembo pa kupekanisha icipao cishaifinina ukucisenda ku nkambi iipya.