Futunoti

a Uyu e mulandu abena Armenia basosela ukuti icalo cabo cimo cine ne Mpili sha Ararati. Mu nshita sha pa kale, Armenia yali bufumu bukalamba ubwakwete incende umwali ne sho shine mpili. E ico, Baibolo ya ciGriki iya Septuagint ipilibula amashiwi yaba pali Esaya 37:38 aya kuti “icalo ca Ararati” pamo nga “Armenia.” Pali nomba Impili sha Ararati shaba mu calo ca Turkey, mupepi na ku mupaka wabela ku kabanga.