Futunoti

a Ilyo kushilaba ukwaluka ukwacitike mu October mu 1917, abena Russia balebomfya kalenda wa kale uwa Julian, lelo ifyalo ifingi fyena fyatendeke ukubomfya kalenda wa Gregorian. Mu 1917 kalenda wa Julian ashalileko inshiku 13 kuli kalenda wa Gregorian. Pa numa ya kwaluka, ukuteka kwa Soviet kwatendeke ukubomfya kalenda wa Gregorian, pa kuti abena Russia nabo balebomfya kalenda uo ifyalo fyonse fyalebomfya. Nangu cali fyo baOrthodox bena batwalilile ukukonka kalenda wa Julian pa kusefya inshiku, baleita iyi kalenda ukuti (“Kalenda Iya Kale na Kale”). Limbi mwalyumfwapo ukuti mu Russia basefya Krisimasi pa January 7. Mwilaba ukuti, January 7 pali kalenda wa Gregorian e December 25 pali kalenda wa Julian. Ne ci, calilenga abena Russia abengi ukulasefya Krisimasi pa December 25, ukulingana na kalenda wa fyalo fya ku masamba: Umwaka Upya pa January 1; pa January 7 basefya Krisimasi ukulingana na kalenda wa baOrthodox; na pa January 14, e po basefya Umwaka Upya.