Amalumbo
Ku mukalamba wa bakemba. Ulwimbo lwa kwa Davidi.
140 Mwe Yehova, mpokololeni ku babifi;
Ncingilileni ku bantu aba lukaakala,+
2 Abapanga ifyabipa mu mitima yabo+
Kabili abalenga kwaba ifimfulunganya akasuba konse.
3 Banoona ululimi lwabo ica kuti luba ngo lwa nsoka;+
Ubusungu bwe fwafwa bwaba ku numa ya milomo yabo.+ (Selah)
4 Mwe Yehova, ncingilileni ku minwe ya babifi;+
Ncingilileni ku bantu aba lukaakala,
Abapanga ukungwisha.
5 Aba matutumuko bateya ulukose apo nshingamona;
Babomfya intambo pa kuteya isumbu mu mbali ya musebo.+
Balateya ifiteyo pa kuti njikatwemo.+ (Selah)
6 Njeba Yehova nati: “Nimwe Lesa wandi.
Mwe Yehova, umfweni ifyo ndemupaapaata ukuti mungafwe.”+
7 Mwe Yehova Shikulu Mulopwe, mwe bakwatisha amaka kabili abampususha,
Mulacingilila umutwe wandi mu bushiku bwa nkondo.+
8 Mwe Yehova, mwileka ifyo ababifi bafwaya ficitike.
Mwileka ifyo bapanga ficitike, pa kuti beitumika.
(Selah)+
10 Amalasha ayaleaka nayabaponene.+
11 Uulanda ifyabipa pa bantu, esanga apa kwikala pano isonde.*+
Ifyabipa nafikonke ababa no lukaakala kabili nafibepaye.