• Alishiba Apapela Amaka Yesu
    Ulupungu—2009 | June 1

    • Nomba nga ca kuti uyu muntu te kuti akumanishe no kushita ifyuni fibili, bushe ali no kucita shani? Amafunde yatile: “Akalete ulupe lwa buunga ubwapeleka [amakapu 8 nangu 9] ku kuba umutuulo wakwe uwa pa lubembu.” (Icikomo 11) Yehova alilangulukileko sana abapiina abashakwete inama ne fyuni fya kutuula ica kuti alibasuminishe no kulatuula ubunga.a Mu Israele, nangu umuntu mupiina, na o wine alekwata ishuko lya kwelelwa imembu kabili aleba cibusa wa kwa Lesa.

  • Alishiba Apapela Amaka Yesu
    Ulupungu—2009 | June 1

    • a Icalelenga ilambo lya nama ukucindama, mulopa wa iko uo Lesa alemona ukuti wa mushilo. (Ubwina Lebi 17:11) Bushe ninshi ilya mituulo ya buunga iyo abapiina baletuula tayacindeme? Yalicindeme. Yehova aletemwa sana abantu abaicefya, abaleitemenwa ukutuula aya malambo. Na kabili, imembu sha bantu bonse aba mu luko, pamo ne sha bapiina, shale-elelwa pa mulandu wa mulopa wa nama baletuula kuli Lesa cila mwaka pa Bushiku bwa Kufuta.—Ubwina Lebi 16:29, 30.