mwabika amampuulu yesu pa mulola wenu, ifyafiswa fyesu ku cengelo ca cinso cenu;

Amalumbo 90:7-

Yehova abikile ‘amampuulu yabo pa mulola wakwe.’ Alibalubulwishe pa fyo balelufyanya pa cintubwingi, lelo ne “fyafiswa” fyabo, nelyo imembu sha mu bumfisolo, fyali ‘ku cengelo ca cinso cakwe.’ (Amapinda 15:3)

16. Nga ca kuti bamo bacita ulubembu mu bumfisolo, cinshi balingile ukucita?

¹⁶ Nga ca kuti tulecita ulubembu mu bumfisolo, ni pa kashita fye akanono twingafisa imyendele ya musango yu ku bantu banensu. Lelo ububi tucita mu bumfisolo kuti bwaba ‘ku cengelo ca cinso ca kwa Yehova,’ kabili imicitile yesu kuti yaonaula bucibusa twakwata na wene. Pa kuti tutendeke na kabili bucibusa na Yehova, tufwile ukupepa ukuti atwelele, ukuleka ifilubo, no kupokelela no kutasha ubwafwilisho bwa ku mupashi ubo baeluda ba Bwina Kristu bapeela. (Amapinda 28:13; Yakobo 5:14, 15)