Ukushilimuka kamfukumfuku ka mweo kuli cibinda wa kuko, lelo abawelewele basalapulwa ku bupumbu bwabo.

Amapinda 16:20-

Kanshi abantu abashilimuka baliba ne “cishima ca mweo.” Nga bawelewele bena, caba shani? ‘Balakaana amano no kusalapula.’ (Amapinda 1:7) Apo balakaana ukusalapula kwa kwa Yehova, finshi balobolola? Nga fintu fye tumwene kale, Solomone atila: “Abawelewele basalapulwa ku bupumbu bwabo.” (Amapinda 16:22) Balasalapulwa icabipisha, e kutila ukulimunwa icibi. Abawelewele kuti limbi bailetela amafya, insoni, amalwele, kabili limo kuti bafwa bwangu.