Esaya 43:18-

ifinama fya mu mpanga fikancindika, bamumbwe na bamwakatala. Pantu ndepeela amenshi mu matololo, ne mimana mu ciswebebe, ku kuleka abantu bandi abasalwa banwe,

Muli iyi mpanga yauma, Yehova ali no kubapekanishishe “nshila” kabili ali no kucite milimo ya maka nge ca kubebukishako ifyo acitiile abena Israele mu nshiku sha kwa Mose—cine cine muli aya matololo ali no kuliisha abalebweluluka no kubanwensha amenshi ya mu mimana ya cine cine. Ifyo Yehova akabapekanishisha fikafula icine cine ica kuti nangu fye fiswango fikatasha Lesa kabili tafyakalesansa abantu.

Kabili mwandi balaanga pa kutila ibumba likalamba ilya banabo “bashili bena Israele” lyaliilunda kuli bene! Bena capamo na banabo abe bumba likalamba balipusanako nga nshi kuli abo abaalukila kuli buno bwikashi bwa kwa Satana, pantu batwalilila ukuipakisha umutebeto wa ku mupashi uo Yehova abapekanishisha. (Esaya 25:6; 65:13, 14) Abantu abengi abaali nge fiswango, balyalula imibele yabo no kucindika Lesa wa cine ilyo bamona ifyo Yehova alepaala abantu bakwe.—Esaya 11:6-9.