20. Yehova acingilila shani icilonganino ca Bwina Kristu?

²⁰ Kuti twasansamuka ukuti ubukali Yehova akwete pa kubala ku babomfi bakwe abasubwa—icalengele ukuti abaleke basendwe bankole lwa ku mupashi mu 1918—bwalipwa. Yehova umwine atila: “Nshaba na cipyu. Iye, impeelwa ku kulwa ne myunga ne fimfungwa! Kuti natampula naya muli fyene, kuti nafyocela pamo.

Esaya 27:4,

Ku kushininkisha ukuti imiti yakwe iya myangashi yatwalilila ukuleta ‘umwangashi wawama,’ Yehova ashonaula no kufumyapo ukusonga kwaba nga mankumba ukwingayonaula. E ico, mwileka umuntu onaule umutende wa cilonganino ca Bwina Kristu!