16, 17. Kufutika nshi uko bamo balecita?

¹⁶ Malaki lyene alanda pa kufutika kwa cibili: e kuti ukucusha umwina mwenu, maka maka pa kumuleka ukwabula imilandu ine ine. Icikomo 14 ica cipandwa 2 cisosa ukuti: “Yehova ali ni nte pa kati ka iwe no mukashi wa bulumendo bobe, untu iwe wafutika, nelyo wene munobe kabili mukashi obe wa cipingo.”

¹⁷ Tontonkanyeni sana pa mashiwi ya kwa Malaki, no kumona ifyo yalenga ifwe ukuba ne cikuuku. Alanda pa “munobe kabili mukashi obe wa cipingo.” Bonse aba baume baupile uwatetekela munabo, umwanakashi umwina Israele, ukumusala ukuba umunabo uwatemwikwa ku ciyayaya. Ilyo napamo baupene ninshi bali abaice, ukupita kwa nshita no kwisa kwa bukote tafyalepwisha icipingo baingilemo, e kuti, icipingo ca cupo.