-
“Icebo ca kwa Yehova Calelunduluka”Ukulabila Sana pa Bufumu bwa kwa Lesa
-
-
19, 20. (a) Mulandu nshi Yehova akandile Herode? (b) Bushe ilyashi lilanda pa fyo Herode Agripa afwile mu kupumikisha litusansamusha shani?
19 Lesa fye e o balingile ukupeela umucinshi wa musango uyo, kabili alemona ifyalecitika! Herode afwaya nga alisengawike ubwafya ubwali no kumuponena. Nga alibakalipile nelyo ukubakaanya. Mu nshita ya ico, ifyamucitikile fyaishileba nga filya ipinda litila: “Icilumba e citangilila ukuwa.” (Amapi. 16:18) “Apo pene malaika wa kwa Yehova alimuumine,” alengele ulya mwaume wa cilumba ukufwa imfwa iibi kabili iya museebanya. “Imititi yalimulile, asuka afwa.” (Imil. 12:23) Josephus na o atile Agripa alwele fye mu kupumikisha kabili alandile no kuti imfumu yatile yalefwa pantu yalisumine ifyo abantu baitashishe mu bumbimunda. Josephus alembele ukuti Agripa aculile kuli ubu bulwele pa nshiku shisano ilyo talafwa.b
-
-
“Icebo ca kwa Yehova Calelunduluka”Ukulabila Sana pa Bufumu bwa kwa Lesa
-
-
b Dokota umo kabili kalemba alandile ukuti ifyo Josephus na Luka balandile pa bulwele bwa kwa Agripa filanga ukuti nalimo insokanda e shacilike ubula bwakwe kabili e shalengele ukuti afwe. Limo umulwele kuti aluka ishi nsokanda, nelyo kuti shafuma mu mubili wakwe ilyo alefwa. Icitabo cimo citila: “Ifyo Luka kondapa alondolola bwino pali ubu bulwele filanga ukuti imfwa yafwile [Herode] yali ya kutiinya.”
-