-
‘Fwayeni Lesa, . . . no Kumusanga’Ukulabila Sana pa Bufumu bwa kwa Lesa
-
-
13. Bushe Paulo atile umuulu ne calo fyaishileko shani, kabili amashiwi alandile yalolele mwi?
13 Lesa apangile umuulu ne calo. Paulo atile: “Lesa uwapangile cino calo na fyonse ifyabapo, Ena, pa kuba Shikulu wa muulu na pano isonde, tekala mu matempele ayakuulwa na bantu.”d (Imil. 17:24) Umuulu ne calo tafyaishileko fye ku mankumanya. Lesa wa cine e Wapangile ifintu fyonse. (Amalu. 146:6) Shikulu wa muulu ne calo alipusana na lesa Atena nelyo balesa bambi abo balecindika pa mulandu wa matempele, imfuba, ne fiipailo ifyo babakuliile, pantu ena te kuti ekale mu matempele ayakuulwa ne minwe ya bantu. (1 Isha. 8:27) Amashiwi Paulo alandile yalishibikwe bwino bwino umo yalolele, yalolele mu kuti Lesa wa cine mukalamba sana ukucila tulesa tonse uto abantu bapanga utuba mu matempele ayapangwa na bantu.—Esa. 40:18-26.
-
-
‘Fwayeni Lesa, . . . no Kumusanga’Ukulabila Sana pa Bufumu bwa kwa Lesa
-
-
d Ishiwi lya ciGriki ilyo bapilibula ukuti “icalo” ni koʹsmos. AbaGriki balebomfya ili shiwi nga balelanda pa fya mu muulu na pe sonde. Apo Paulo alefwaya ukulanda pa fintu ifyo abaGriki baishibe, afwile abomfeshe ili line shiwi ukupilibula ifya mu muulu na pe sonde.
-