• Stefani—“Uwali Uwa Mutembo Nga Nshi Kabili Uwakwatishe Amaka”
    Ukulabila Sana pa Bufumu bwa kwa Lesa
    • Stefani naiminina pa ntanshi ya bakapingula mu cilye ca Sanhedrini kabili tali no mwenso.

      “Pa kumfwa ifi fintu balikalifiwe imitima, balamusumanisha na meno.”​—Imilimo 7:54

      20, 21. Bushe aba mu cilye ca Sanhedrini bacitile shani pa mashiwi Stefani alandile, kabili Yehova amukoseshe shani?

      20 Icishinka Stefani aebele balya bakapingula calibakalifye sana imitima. Pa mulandu wa kuti tabamucindike nangu panono, bamusumanishishe ameno incecete. Uyu mwaume wa cishinka alimwene fye ukuti nangu cibe shani aba bantu tabamubelele uluse nga filya fine bashabelele Shikulu wakwe Yesu uluse.