-
Ifyo Twingaipaatulako Kuli Ici Calo“Ikalilileni mu Kutemwa kwa kwa Lesa”
-
-
Apo tuli beminishi ba kwa Kristu tupaapaata, atuti: ‘Bweleleni kuli Lesa.’”a—2 Abena Korinti 5:20.
4. Bushe Abena Kristu bonse baba shani aba cishinka ku Bufumu bwa kwa Lesa? (Moneni akabokoshi akaleti “Abena Kristu ba Kubalilapo Tabaleitumpa mu Mapolitiki.”)
4 Abo batuma ku buteko ukuyaimininako icalo cabo ku calo cimbi, tabaipoosa mu fikansa fya calo ico babatumako. Lelo apo baba ni nkombe, balalandilako icalo bafumako. E fyo na basubwa abakonka Kristu baba, ‘ubwana calo bwabo bwa ku muulu.’ (Abena Filipi 3:20) Na kuba pa mulandu wa kubombesha kwabo mu kushimikila pa Bufumu, balyafwa abantu abengi aba mu “mpaanga shimbi” isha kwa Kristu ‘ukubwelela kuli Lesa.’ (Yohane 10:16; Mateo 25:31-40) Ishi impaanga shimbi babomba nge ntumi, balafwilisha bamunyina ba kwa Yesu abasubwa. Apo baba umukuni umo, bonse ababa muli aya mabumba balatungilila Ubufumu bwa kwa Mesia kabili tabaitumpa mu mapolitiki.—Belengeni Esaya 2:2-4.
-
-
Ifyo Twingaipaatulako Kuli Ici Calo“Ikalilileni mu Kutemwa kwa kwa Lesa”
-
-
a Ukutula pa Pentekoste mu 33 C.E., Kristu ni Mfumu iiteka abo abasubwa ababa mu cilonganino cakwe pano isonde. (Abena Kolose 1:13) Mu 1914, e lyo Kristu bamupeele amaka ya kuba Imfumu pa “bufumu bwa calo.” E co, Abena Kristu abasubwa nabo pali ino nshita baba ni nkombe sha Bufumu bwa kwa Mesia.—Ukusokolola 11:15.
-